منتدى الأشــــــــــــــراف
اهلا وسهلا بك عزيزي الزائر
يسعدنا ان تنضم لمنتديات الاشـــــــــــــــــــــراف
ولكم جزيل الشكر والتقدير..
ادارة المنتدى


منتدى الاشراف
 
الرئيسيةس .و .جبحـثالأعضاءالتسجيلدخولدردشة
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» فلسطين عاصمتها القدس
الجمعة ديسمبر 08, 2017 1:06 pm من طرف احمد

» العائلات التي تنتسب الى القطب عبد القادر الجيلاني في الاردن و فلسطين
الثلاثاء يوليو 22, 2014 10:36 pm من طرف احمد

» وادي الذئاب الجزء الثامن الحلقه 54
الإثنين أبريل 21, 2014 8:27 pm من طرف احمد

» تردد قنوات ناقله لكأس العالم ودوري ابطال اوروبا zdf الالمانيه
الإثنين أبريل 21, 2014 8:21 pm من طرف احمد

» اهلا بالاعضاء
الجمعة نوفمبر 15, 2013 6:01 pm من طرف احمد

» مسلسل وادي الذئاب الجزء السابع7 والثامن 8 مراد علم دار ومقتل ميماتي نقلا عن قناة وتلفزرون الفجر
السبت يونيو 15, 2013 5:54 pm من طرف احمد

» جامعة اجدابيا على الفيس بوك Facebook
السبت ديسمبر 15, 2012 4:07 pm من طرف سراج

» تزوير لنسب ( البلاصي وال أبو محفوظ
الثلاثاء ديسمبر 04, 2012 4:38 pm من طرف بنت المغرب

» عد من 1 الى 5 واهدي قلبك للعضو الي تحبه
السبت أكتوبر 20, 2012 6:14 pm من طرف ميسي

» بنت الصحراء
الأربعاء أبريل 25, 2012 10:34 am من طرف احمد

انت الزائر رقم

.: لاتجعلها أخر زيارة :.

نتيجة المنتدى
معليش سجل معانا الاول
محرك بحث المنتدى

شاطر | 
 

 انا محجبه ليه ؟

اذهب الى الأسفل 
كاتب الموضوعرسالة
زهره الخريف
مشرفة القسم الاسلامي
مشرفة القسم الاسلامي
avatar

عدد المساهمات : 255
تاريخ التسجيل : 06/07/2009

مُساهمةموضوع: انا محجبه ليه ؟   الجمعة يوليو 24, 2009 6:39 pm







أنا محجبة - بعد إيماني بأمر ربنا إن الحجاب فرض على كل مسلمة - علشان الأسباب التالية:



1 - علشان انا حرة … مش من حق حد يشوف مني اللي مش عاوزاه يشوفه إلا بإرادتي …
ومن حقي اختار مين اللي يشوف مني أجمل ما عندي ..
واللي علشان يشوف ده ويبقى حقه وحلاله بلاله عن طيب خاطر..
لازم هو كمان يديني مشاعره واللي باقي من عمره عن طيب خاطر…





2 -
علشان أنا غالية .. مينفعش أقلل من قيمة نفسي واخليها عرضة لكل العيون ..
ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني
.. حتى لو مكنش ده قصدي … بس مش حقدر امنعه …
(كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك..
وده اللي علشانه ربنا فرض الحجاب . علشان ميطمعش الذي في قلبه مرض) …
مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع ..
ده يتضمن حتي الزبال اللي بيسوق عربية الزبالة في الشارع .. كل دول بقى من الممكن انهم يبصوا لي
… لأ ده كمان يمكن ماعجبهمش ويدوروا وشهم إعراضاً






3 -
علشان أنا باحترم نفسي .. وشايفة نفسي كبيرة قدام نفسي ..
ومينفعش أنزل سوق المنافسة في الأنوثة علشان أفوز في الآخر بنظرة
شهوانية أو كلمة غزل رخيصة أو عرض صحوبية…




4 -
علشان انا جمالي مش خارجي وبس.. ومن حقي ان اللي ييجي يتجوزني .. واللي حاديله الباقي من عمري ..
واللي حديله كل مشاعري .. واللي حاقاسمه أحلامي وأفكاري .. واللي حخلف منه ولادي ..
وحاربيهم معاه .. مايختارنيش على مقاييس شكلية وبس .. أو تبقى هي دي العامل الأساسي في أختياره ليا …
علشان كدة مش ضروري يشوفني في كامل زينتي وجمالي قبل ما ي! تجوزني . .
الأهم انه يحب روحي ويعجب بشخصيتي ..
ويرتاح معايا نفسياً.. (أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته..
مع إن مفيش حاجة مضمونة في الزمن ده .. واللي اختارها علشان جمالها ..
ممكن قوي يتجوز عليها واحدة أجمل منها.. لأنه أكيد في الأجمل منها يعني)..


5 -
علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع ..
ويمكن يكون عاوز يقرب من ربنا ..
وبيجاهد نفسه علشان يغض بصره.. فمرضاش لنفسي اني اكون سبب في اني افتنه..



6 -
علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية ..
فمش ضروري يعني ازود عليه همومه… وأخيله في الرايحة والجاية ..




7 -
ده غير حاجة مهمة كمان … الكفن بتاع النساء.. فيه حجاب..
فاللي مش حتلبسه وهي حية بإرادتها طاعة الله.. حتلبسه كدة كدة وهي رايحة قبرها..
وطالما ربنا بيقول اننا نتستر حتى واحنا رايحين قبورنا وخلاص انتهى التكليف …
ومحدش حيشوفنا تاني ولا حد حيطمع فينا .. يبقى مفيش معنى اننا نمشي مكشوفين لكل العيون واحنا أحياء نرزق..
يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟


والأسباب اللي فوق دي .. هي اللي فهمتني ليه ربنا فرض علينا الحجاب.. مش تعسير ولا تضييق ..
الحجاب فعلا عزة وكرامة.. ميعرفهاش غير اللي داق طعم الستر..

ربنا يهدينا ويهدي بنات المسلمين


_________________

الرجوع الى أعلى الصفحة اذهب الى الأسفل
حمووو الاسواني

avatar

عدد المساهمات : 231
تاريخ التسجيل : 25/07/2009

مُساهمةموضوع: انا محجبه ليه ؟   الجمعة أغسطس 14, 2009 9:10 am

منذ ان تركت بلادى فى الاريف وجئت الى المدن لاول مره اسمع تك الكلمات او اقرها فى زمان عمت فيه الفوضى كنت اتمنى ان انجب بنتا اعلمها هذا الكلام او كما كانت امى تعلم اخواتى البنات ولكن لم يقدر الله لى ان انجب بنتا احاول ان انقل الموضوع الى عملى والىكل المحيطين شكرا اختنا واسف على اطالتى
الرجوع الى أعلى الصفحة اذهب الى الأسفل
 
انا محجبه ليه ؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الأشــــــــــــــراف :: المنتدى الاســـــــــلامي :: القسم الاســـــــلامي الحـــر-
انتقل الى: